د ونزویلا د بهرنیو چارو وزارت د سه شنبی په ورځ (د زمری ۹ مه) د کاراکاس د حکومت پریکړه اعلان کړه چې له څو هیوادونو څخه یې خپل سفیران رابللي دي.
د دغه وزارت په خبرپاڼه کې ویل شوي چې د ونزویلا سفیران به له هغو هېوادونو څخه وایستل شي چې د ولسمشرۍ په انتخاباتو کې یې د نیکلاس مادورو بریا په رسمیت نه ده پېژندلې.
د «سپوتنیک» خبری اژانس د راپور له مخې د ونزویلا د بهرنیو چارو وزارت همداراز زیاته کړې چې یاد شوي هیوادونه هم باید ژر تر ژره له کاراکاس څخه خپل دیپلوماتان وباسي.
هغه هیوادونه چې د ونزویلا د ولسمشر په توګه د مادورو بیا انتخاب په رسمیت نه پیژنی ارجنتاین، چیلی، پیرو، کاستاریکا، پاناما، دومینیکن جمهوریت او اورگوئه شامل دي.
دا د دوشنبې په ورځ وه چې د ونزویلا د ملي ټاکنو شورا مشر اعلان وکړ چې مادورو د 51.2 سلنه رایو په ګټلو سره خپل سیال گونزالس ته ماتې ورکړه چې 44 سلنه رایې یې ګټلې وې.
