د پاکستان د لومړي وزیر مرستیال او د دغه هېواد د بهرنیو چارو وزیر اسحاق ډار په پاکستان کې د افغان کډوالو په اړه د ملګرو ملتونو د کډوالو د عالی کمېشنرۍ له مشر فیلیپو گراندی سره تیلفونی خبرې کړې دي.
د پاکستان د بهرنیو چارو وزارت په یوه خپره کړې خبرپاڼه کې ویلي، چې دواړو لورو په پاکستان کې د افغان کډوالو ستونزو ته د تلپاتې حل لارې موندلو او د پاکستان او د کډوالو په چارو کې د ملګرو ملتونو د عالي کمېشنرۍ ترمنځ د همکاریو پر دوام هوکړه وکړه.
د دې اعلان پر بنسټ، اسحاق دار او فیلیپو گراندی په فرانکفورت، بروکسل او لندن کې د دغه هېواد د سفارتی ماموریتونو ته څېرمه د لاریون په اړه هم خبرې کړې دي.
