د ریس الوزرا اداری مرستيال مولوی عبدالسلام حنفی د چين د کولتور او ګرځندوى له مرستيال لی چن او په کابل کې د چين له سفير جاو شينگ سره په کتنه کې وويل چې چين د ملګرو ملتونو د امنيت شورا د دايمي غړي په توګه باید په نړیواله کچه د افغانستان د دریځ ملاتړ ته دوام ورکړي.
ښاغلي حنفی زیاته کړه چې د اسلامی امارت رهبري د یو چین له تګلارې او د هغې د پلان شویو سترو پروژو بشپړ ملاتړ کوي.
په ورته وخت کې د چین د کلتور او ګرځندوی وزارت مرستیال اسلامی امارت د واحد او خپلواک دولت په توګه یاد کړ چې له اوږده ځنډ وروسته یې د مس عینک کان د کار د پیل لپاره زمینه برابره کړې ده.
لی چن وويل، چين او افغانستان په بېلا بېلو برخو کې نژدې او ټينګې تاريخي اړيکې لري.
