د استخباراتو د عمومی ریاست سرپرست عبدالحق وثیق د امنیتی ځواکونو د ستاینې په پروگرام کې وویل، چې د استخباراتو لوی ریاست خپل ټول مسوولیتونه د اسلامي شریعت او حنفی فقه په رڼا کې د جوړ شوي جامع قانون پر بنسټ ترسره کوي.
ښاغلي وثیق په هېواد کې د ځینو ډلو د شتون د ادعاوو په تړاو وویل، چې د یادې ډلې یو شمېر نړیوال سازمانونه په افغانستان کې شتون نه لري، بلکې مرکزونه یې په ګاونډیو هېوادونو او سیمه کې دي.
د عبدالحق وثیق په وینا، اسلامي امارت خپلې امنیتي ژمنې پوره کړې او اوس نړۍ ته ثابته شوې چې اسلامي امارت په افغانستان کې د امنیت د تامین وړتیا لري.
