د اطلاعاتو فرهنگ او هنر وزرات مرستیال عتيق الله عزيزي دچين دفرهنگی چارو له مرستيال لي کن سره په کتنه کې دتاريخی اثارو د ساتنی په برخه کې دچين د مهارتونو د شريکولو غوښتنه وکړه.
د اطلاعاتو او فرهنگ وزارت وايي، په دې کتنه کې د افغانستان او چین ترمنځ د اقتصادی، سیاسی او فرهنګي اړیکو، د دغه هېواد د تاریخي اثارو، ملي موزیم او د مس عینک د تاریخي اثارو د پیاوړتیا په اړه خبرې وشوې.
په دې کتنه کې د چين د کلتوری چارو مرستيال لی کن د افغانستان د تاريخي ابداتو د پياوړتيا، بيارغونې او ساتنې په برخو کې د خپل هېواد چمتووالی اعلان کړ.
