د استرالیا حکومت په افغانستان کې د دغه هېواد د ځواکونو له خوا وژل شویو افغان کورنیو ته د تاوان د ورکولو طریقه څرګنده کړې ده.
دا تاوان به هغو افغانانو ته ورکول کېږي چې په بې ګناه ډول وژل شوي، په برید کې وژل شوي، د وژل شویو د کورنیو غړي دي او یا یې شتمنۍ له منځه تللي دي.
د قربانیانو کورنیو ته د خسارې وړاندیز په 2020 کې د استرالیا د قاضي پاول بریرټن لخوا چمتو شوی راپور کې شوی.
دغه راپور د ۲۰۰۵ او ۲۰۱۶ کلونو ترمنځ په افغانستان کې د اسټرالیايی ځواکونو له خوا ترسره شوي جنګي جنایتونه په ډاګه کوي چې په پایله کې یې ۳۹ بې گناه افغانان وژل شوي دي.
د دې پروسې د پلي کولو لپاره، د استرالیا حکومت یو وکیل ګماري چې د خسارې ادعاگانی وڅیړي.
