فلسطینی رسنیو د پنجشنبی په ورځ (دچنگاښ ۲۸مه) د غزی د ښار په مختلفو سیمو داشغالگرو پوځیانو د بې رحمانه بریدونو او بمباریو خبر ورکړ.
د «الجزیری» شبکی خبر ورکړی چې د غزی د ښار په مرکز کې د «الزوایده» ښارګوټی او «النصیرات» کمپ د صهیونیستی پوځیانو د سختو حملو هدف ګرځیدلی دی.
په همدې اساس په الزویده کې د استوګنې په ودانۍ باندې د اشغالگرو عسکرو په حملې کی ۷ فلسطینیان شهیدان او یوشمیر نور ژوبل شول.
له غزی څخه د الجزیری خبریال وايي، د صهیونیستانو د النصیرات په کمپ کی د استوګنې په ودانۍ له حملې وروسته څلور ماشومان او یوه ښځه ژوبل شول.
له بلې خوا د «المیادین» شبکې هم خبر ورکړی، چې د غزی ښار په «حی الدرج» سیمه کې پر یوه کور د اسرائیلو د هوايي برید په پایله کې دوه نجونی شهیدان شوې او څو نور فلسطینیان ټپیان شوي دي.
د ۲۰۲۳ میلادی کال د اکتوبر له ۷ نیټې څخه او په غزی د صهیونیست رژیم د جنایتونو له پیل راهسې تراوسه څه دپاسه ۳۸ زره فلسطینیان شهیدان او څه دپاسه ۸۸ زره ژوبل شوی دی.
