د پاکستان د اطلاعاتو وزیر د دوشنبې په ورځ (دچنگاښ ۲۴) اعلان وکړ چې حکومت پلان لري د پخواني لومړي وزیر عمران خان پر سیاسی ګوند بندیز ولګوي او د دغه هېواد ستره محکمه به د هغه پر ضد د خیانت تورونه ولګوي.
د رویترز په وینا، د پاکستان د اطلاعاتو وزیر عطاءالله طرار وویل، د تحریک انصاف د بندیز لګولو اقدام په پاکستان کې د غیرقانونی سرچینو څخه د بهرنیو پیسو د ترلاسه کولو او د تیر کال د هغه د ملاتړو لخوا د یو بغاوت چې پوځي تاسیسات یې په نښه کړي و.
هغه وويل: ” فدرالی دولت به د پاکستان د تحريک انصاف د فعاليتونو د بنديز لپاره مقدمه پورته کړي.”
ښاغلي طرار زیاته کړه چې حکومت به د پاکستان د اساسي قانون پر اساس د غدارۍ په تور د عمران خان او پخواني ولسمشر عارف علوي پر ضد هم سترې محکمې ته قانوني ریفرنس وړاندې کړي.
