د ننگرهار ولایت په مرکز جلال اباد ښار او یو شمېر نورو ولسوالیو کې تېره ورځ ماښام مهال د طوفان او سخت باران له امله د عامې روغتیا وزارت د معلوماتو له مخې لږ تر لږه ۳۵ تنه مړه او ۲۳۰ نور ټپیان شوي دي.
کونړ، بدخشان، پنجشیر او کاپیسا ولایتونه هم د سختو بارانونو او سیلابونو شاهدان دي.
دا په داسې حال کې ده، چې د کونړ، بدخشان، پنجشیر او کاپیسا په ګډون د هېواد یو شمېر نور ولایتونه هم د بارانونو او سیلابونو شاهدان وو.
د کونړ ولايت د طبيعي پېښو پر وړاندې د مبارزی رياست اعلان کړى، چې په دغه ولايت کې د بارانونو او سېلابونو له امله د يوه سړي، دوو مېرمنو او دوو ماشومانو په ګډون لږ تر لږه پنځه تنه مړه شوي او خلکو ته ډېر زيانونه اوښتي دي.
