د امریکا د بهرنیو چارو وزارت د ویاند مرستیال ودانت پاتل وايي، د افغانستان لپاره د واشنگتن ځانګړي استازي توماس ویست د دوحې په درېیمه ناسته کې پر اسلامي امارت فشار راوړ چې په افغانستان کې بندیان امریکایی اتباع خوشې کړي.
ښاغلي پاتل په یوه خبري غونډه کې وویل، دا د دوی پرله پسې غوښتنه ده او دوی په هر فرصت کې په افغانستان کې د بندیانو د امریکايی اتباعو پر بې قیده خوشې کېدو ټینګار کوي.
د امریکا د بهرنیو چارو وزارت ویاند زیاته کړې، چې توماس ویست او رینا امیری د دوحی په ناسته کې د اسلامي امارت له پلاوي سره مستقیمی خبرې کړې دي.
