د اسلامي امارت د ریس پلاوی مشر ذبیح الله مجاهد ویلي، چې د افغانستان، ازبکستان، پاکستان او قطر څلور اړخیزه ناسته ترسره شوه.
مجاهد زياته کړه، چې په دې ناسته کې د افغان ترانس پروژې، چې موخه يې له ازبکستان څخه د افغانستان له لارې پاکستان ته د اورګاډي پټلۍ جوړول دي، خبرې وشوې.
دا ناسته په داسې حال کې ترسره شوه، چې ښاغلي مجاهد د دوحی ۳ ناسته مثبته وبلله او ویې ویل، چې په ۳ دوحه کې د اسلامي امارت غوښتنې منل شوې دي.
