د افغانستان لپاره د روسیی ځانګړي استازي ضمیر کابلوف ویلي، مسکو اته کاله مخکې پوهیده چې په افغانستان کې به «طالبان» د حکومت واک واخلي.
کابلوف له یوې هندی رسنۍ سره په مرکه کې زیاته کړې، مخکې له دې چې «طالبان» په افغانستان کې واک ته ورسېږي، مسکو ورسره ښې اړیکې درلودل.
هغه وویل، «اجازه راکړئ چې تاسو ته ووایم، شاوخوا اته کاله مخکې چې هغوی کابل ونیول، زه پوهیدم چې دوی به ټول افغانستان ونیسي.»
کابلوف ویلي، مسکو تمه لري چې د افغانستان د سرپرست حکومت له چارواکو څخه د نړیوالې ترهګرۍ د مخنیوي لپاره لا زیات کار وکړي.
د هغه په وينا، د سرپرست حکومت چارواکو د نشه يي توکو د توليد د کمولو لپاره ډېر اقدامات کړي دي
