د اسلامی امارت ویاند مولوي ذبیح الله مجاهد وايي، د دوحی په درېیمه ناسته کې به د افغانستان پر داخلي مسایلو خبرې ونه شي.
ښاغلي مجاهد په یوه خبري غونډه کې زیاته کړه چې د افغانستان داخلي مسایل په هېواد پورې اړه لري نه په ملګرو ملتونو پورې.
د اسلامي امارت ویاند ویلي چې د دوحې په دریمه ناسته کې به د اسلامي امارت په اقتصادي مسایلو، محدودیتونو او لاسته راوړنو خبرې وشي.
مجاهد وويل، چې دوى د خپلو شرايطو له امله په دې غونډه کې ګډون کوي، خو په دې اړه يې جزئيات ورنه کړل، چې دغه شرطونه څه دي.
