د ارشاد، حج او اوقافو وزارت له سعودی عربستان څخه د افغان حاجيانو د لومړی کاروان چې له پکتيا او پکتيکا ولايتونو څخه ۳۴۶ حاجيان په کې شامل وو، د کابل هوايي ډګر ته د رسېدو خبر ورکړ.
د اسلامی امارت د ارشاد، حج او اوقافو وزارت مطبوعاتی دفتر د يوې خبرپاڼې په خپرولو سره ويلي، چې هره ورځ له سعودی عربستان څخه هېواد ته په منظم ډول نور حاجيان لېږدول کېږي.
تر دې مخکې د ارشاد، حج او اوقافو وزارت اعلان کړی و، چې سږ کال له افغانستان څخه په ۹۴ الوتنو کې شاوخوا ۳۰ زره حاجیان سعودي عربستان ته لېږدول شوي دي.
