په ملګرو ملتونو کې د ایران سفیر او دایمی استازی امیر سعید ایروانی ویلي، تهران په افغانستان کې له افراطیت، ترهګرۍ او د پرمختګ د مخنیوی لپاره جدي کار کوي.
ايروانی چې د ملګرو ملتونو د امنيت شورا په غونډه کې يې د افغانستان په اړه خبرې کولې، د افغانستان د کنګل شويو شتمنيو په غير مشروطه خوشې کولو هم ټينګار وکړ.
د ایران سفیر ویلي، له افغانستان سره بشری مرستې باید بې پرې او بې قید پاتې شي او د مرستو هر ډول سیاسي کول به د افغانانو په زیان وي.
