په ملګرو ملتونو کې د امریکا د ماموریت ویاند نیت ایوانز اعلان وکړ چې د امریکا ولسمشر جوبایدن غواړي په غزه کې د درې پړاویز اوربند وړاندیز ته رایه ورکړي.
ده وویل: د یکشنبی په ورځ مو په دې اړه د ملګرو ملتونو امنیت شورا ته یوه غوښتنه وړاندې کړه.
په دې توګه د امریکا متحده ایالاتو غوښتنه وکړه چې په غزه کې د اوربند وړاندیز چې د اسراییل له خوا چمتو شوی او تیره اونۍ د بایډن لخوا اعلان شوی، د امنیت په شورا کې رای اچونې ته وړاندې شي.
ایوانز وویل: د دې درې اړخیزې موافقې د نړیوال ملاتړ په صورت کې به د اوربند بهیر ګړندی شي او د اوربند د ټینګیدو په صورت کې به بندیان ازاد شي او اسراییل به د تړون د شرایطو مطابق د غزی له میشت ځایونو څخه ووځي.
هغه تاکید وکړ: اسرائیل دغه موافقه منلې وه، اوس د امنیت شورا فرصت لری چې په یو غږ خبرې وکړی او له حماس څخه وغواړی چې دغه موافقه ومنی.
