ارگ لیکي، چې د اندونیزیا د پخوانی ولسمشر مرستیال او د دغه هېواد د جوماتونو د شورا مشر یوسف کالا دغه موضوع د لومړي وزیر له اداري مرستیال عبدالسلام حنفی سره په کتنه کې څرګنده کړه.
ښاغلي یوسفی وویل، په افغانستان کې د هر ډول پانګونې لپاره چې اندونیزیا یې غواړي د اسلامي امارت هر اړخیزې همکارۍ ته اړتیا لري.
په همدې حال کې مولوی عبدالسلام حنفی په افغانستان کې د اندونیزیا د پانګونې د لېوالتیا هرکلی وکړ او ویې ویل، اسلامي امارت له ټولو هېوادونو په ځانګړې توګه له اندونیزیا سره ښې اړیکې غواړي او د دغه هېواد سوداګرو او پانګوالو ته لازمې اسانتیاوې برابروي.
