د رویترز په وینا، د فرانسی ولسمشر امانویل مکرون د آلمان په مزبرگ کې له اولاف شولتز سره په ګډه خبري غونډه کې وویل: “موږ د اوکراین ملاتړ کوو او نه غواړو چې تاوتریخوالی زیات شي او زموږ دریځ نه دی بدل شوی.”
دفرانسی جمهور رييس زياته کړه: موږ بايد هغوى ته اجازه ورکړو چې هغه پوځي مرکزونه چې له هغه ځايه توغندي توغول کيږي بې پرې کړي.
خو موږ به هغوی ته اجازه ورنکړو چې پر نورو هدفونو، ملکي وګړو او یا په روسیه کې پر نورو پوځي مرکزونو بریدونه وکړي.
د آلمان صدراعظم اولاف شولتش هم د مکرون د دریځ ملاتړ وکړ او ویې ویل چې اوکراین تر هغه وخته د ځان د دفاع اجازه لري چې د وسلو د عرضه کوونکو هیوادونو شرایط او نړیوال قوانین ومني.
هغه زیاته کړه: زه حیران یم کله چې ځینې استدلال کوي چې اوکراین باید له ځانه د دفاع اجازه ورنکړل شي.
د شمالی اتلانتیک تړون سازمان (ناتو) عمومی منشی ینس ستولنبرگ، د اکانومیست سره په یوه مرکه کې، چې د جمعی په شپه خپره شوه، د اوکراین په متحدینو غږ وکړ چې د روسیی په خاوره کې د دوی د وسلو د کارولو لپاره د کییف لخوا لګول شوي بندیزونه لغوه کړي.
ستولنبرگ وویل، “اوس هغه وخت دی چې اوکراین ته د وسلو په ورکولو د ځینو محدودیتونو په لرې کولو غور وکړي.”
په تېره بیا په اوسني وضعیت کې چې له روسیی سره پولې ته څېرمه په خارکیف کې سختې جګړې روانې دي.
هغه زیاته کړه: د روسیی په خاوره کې د مشروع پوځی هدفونو په خلاف د اوکرایین د وسلو له استعمال څخه منع کول د هغوی لپاره له ځانه دفاع کول ګران کړی دی.
شولتش د دې نظر سره مخالفت وکړ، ویې ویل چې په دې برخه کې د محدودیتونو بدلولو ته اړتیا نشته.
له امریکا وروسته آلمان اوکرایین ته د وسلو دوهم ستر عرضه کونکی هیواد دی او تر اوسه یې له اوکراین سره شاوخوا ۲۸ میلیارده یورو پوځي مرسته کړې ده.
