هندی رسنیو خبر ورکړی، چې د گجرات ایالت په یوه کورنی تفریحی ځای کې د اورلګېدنې له امله د ۱۲ ماشومانو په ګډون لږ تر لږه ۲۷ کسان وژل شوي دي.
د راپورونو له مخې، دغه اورلګېدنه پرون ماښام (د غبرګولي ۵ مه) د دغه ایالت په راجکوت ښار کې د کمپیوتری لوبو په یوه ځای کې شوې ده.
د دغه ایالت د سیمه ییزو چارواکو په وینا؛ اور لګېدلی دی خو اټکل کیږي چې د مړو شمیر به زیات شي.
بل خوا د پېښې ځای کې پولیس وايي، چې تر اوسه د اور لګېدنې لامل نه دی څرګند خو د دې موضوع د څېړلو لپاره ځانګړی پلاوی ټاکل شوی دی.
