د روسیی د لومړي وزیر مرستیال الیکسی اورچوک د دغه هېواد له رسنیو سره په مرکه کې ویلي، چې په ۲۰۲۳ کال کې د کابل او مسکو ترمنځ د سوداګرۍ کچه شاوخوا ۵۶۰ میلیونه دالره وه.
د ښاغلي اورچوک په وینا دا شمېره د دواړو هېوادونو ترمنځ د سوداګرۍ د زیاتوالي ښودنه کوي.
د روسيی د لومړي وزير مرستيال دغه راز زياته کړه، چې مسکو د افغانستان له کرنيزو محصولاتو سره لېوالتيا لري، چې تېر کال يې له دغه هېواد څخه انگور او وچه مېوه وارد کړه او سږ کال به دغه حد پراخ شي.
