په بلخ کې د کتاب او لوستلو اونۍ په مناسبت د کتاب او قران کريم نندارتون پرانيستل شو
د غویی د میاشتی وروستۍ اونۍ چې د کتاب د اونۍ په نوم نومول شوې، تر ډیره د لوستلو د مینه والو، د کتاب مینه والو او د علم او هنر د مینه والو لخوا د ځانګړو پروگرامونو په جوړولو سره لمانځل کیږي.
د دی وصف سره، د بلخ ولايت د اطلاعاتو او فرهنګ رياست د کتابونو د ځای په وياړ، په مزارشريف ښار کې د څه دپاسه ۱۵ خپرندويه موسسو، کتاب پلورنځیو او د اطلاعاتو او کلتور د عامه کتابتون په همکارۍ د یوی اونۍ لپاره په مزار شریف کی د راه سعادت نړيوال کتابتون کې يو نندارتون پرانست.
دبلخ ولايت داطلاعاتو اوفرهنګ آمر په دې کتنه کې له ځوانانو او دکتاب له مينه والو وغوښتل چې په دغه شان نندارتونونو کې په پوره ليوالتيا او دقت سره ګډون وکړي څو د لوست فرهنګ په ټولنه کې بنسټيز شي.
خو د بلخ يو شمېر شاعرانو او ليکوالانو يوازې د نندارتونونو جوړول کافي نه بولي او د فرهنګي او رسنيزو بنسټونو له خوا يې بېلابېل پروګرامونه پيل کړي دي.
په همدې حال کې د بلخ ولايت يو شمېر کتاب پلورونکي وايي: د کتاب پېر او پلور بازار د پخوا په پرتله ښه والی له لاسه ورکړی دی. له دې سره دوی هڅه کوي چې په ځوانانو کې د لوستلو فرهنګ را ژوندی کړي.
د مسوولینو د معلوماتو پر بنسټ، د یوې اونۍ لپاره له دوه سوه زره ډېر کتابونه له ۳۰ زره عنوانونو سره د علم او کلتور سره مینه والو ته نندارې ته وړاندې شوي دي.
