د اسلامي امارت د پوهنې وزارت د نوي ۱۴۰۳ هجری لمریز کال د پیل او د وری له لومړۍ ورځې سره سم په سړو سیمو کې د ښوونځیو د زنګونو غږول اعلان کړل.
په یوې اعلامیې کې دغه وزارت ویلي، چې د ۱۴۰۳ هجري لمریز نوی تعلیمي کال به د ښوونځیو د زنګ په غږولو د هېواد په ټولو ولایتونو او سړو سیمو کې پیل شي.
د دغه وزارت د معلوماتو له مخې، دغه پروګرام به نن د۱۴۰۳ کال د وری په لومړۍ نېټه د کابل په اماني لېسه کې ترسره شي.
د رسنیو د بلنې پر مهال دغه وزارت ویلي ، چې د مناسب ځای د نشتوالي له امله ښځینه خبریالانې په دغه پروګرام کې ګډون نه شي کولای.
دغه وزارت د ښځینه ښوونکو، د پوهنې د ښځینه کارکوونکو او ښځینه زده کوونکو د ښځو او استازو د شتون په اړه څه نه دي ویلي
