د نایجیریا په شمال لویدیځ کې د سوکوتو ایالت کې د مسافرو د کښتۍ د ډوبېدو له امله لږ تر لږه ۵۰ کسان، چې ډېری یې ماشومان وو، مړه شوي دي.
دا پېښه د ګورونیو ولسوالۍ د ګوراو سیمې ته نږدې رامنځته شوه، او د لټون او ژغورنې عملیات روان دي.
د سیمه ییزو سرچینو په وینا، کښتۍ له خپل ظرفیت څخه ډېر مسافر لېږدول او د وریجو د راټولولو لپاره یې ګڼ شمېر بزګران او کارګران لېږدول. راپورونه وايي چې په کښتۍ کې د ۵۰ څخه تر ۷۰ پورې کسان سپاره وو.
چارواکو ویلي چې تر اوسه پورې د شاوخوا ۴۰ ماشومانو جسدونه موندل شوي او ۱۶ کسان له پېښې څخه ژغورل شوي دي. د عملیاتو په دوام سره د مړو شمېره د لوړېدو احتمال شته.
#نایجیریا #سوکوتو #حادثه #کښتۍ #ماشومان #ډوبېدل #سفیر_ټی وی
