د امریکا سنا د روسیې پر وړاندې د سختو بندیزونو لایحه د ۸۶ په مقابل کې د ۱۱ رایو په اکثریت تصویب کړه، چې موخه یې د مسکو د انرژۍ صادراتو عواید کمول او په اوکراین کې د جګړې پای ته رسولو لپاره پر دغه هېواد فشار زیاتول دي.
د دې لایحې له مخې، د امریکا ولسمشر کولی شي پر هغو هېوادونو تعرفې ولګوي چې د روسیې تیل، ګاز او نور محصولات اخلي؛ چین او هند د روسیې د انرژۍ له لویو پیرودونکو څخه دي چې اغیزمن کیدی شي.
په دې بسته کې د ولادیمیر پوتین، د روسیې د لوړ پوړو سیاسي او پوځي چارواکو، مالي ادارو او انرژۍ پروژو په وړاندې بندیزونه هم شامل دي، او د بندیزونو څخه د مخنیوي لپاره کارول کېدونکي ټانکرونه په نښه کوي.
ډونالډ ټرمپ کولی شي ځینې بندیزونه لرې کړي که چیرې کانګرس د ملي ګټو تصدیق وکړي.
#امریکا #روسیه #اوکراین #بندیزونه #د امریکا_سنیټ #ولادیمیر_پوتین #ټرمپ #سفیر_ټی وی
