په متحده ایالاتو کې یوې فدرالي محکمې پریکړه کړې چې د متحده ایالاتو د حکومت د سفر محدودیتونه نشي کولی د افغان کډوالو میرمنې او ماشومان د خپلو کورنیو سره د بیا یوځای کیدو مخه ونیسي.
د محکمې په پریکړه کې د متحده ایالاتو د بهرنیو چارو وزارت ته امر شوی چې د ۱۵ ورځو دننه د پنځو افغان کډوالو کورنیو ته د سفر اسناد ورکړي او د نورو وړ کورنیو غوښتنلیکونو باندې بیا غور وکړي، پرته له دې چې د سفر محدودیتونه وي.
محکمې د بهرنیو چارو وزارت ته هم امر کړی چې په هرو دوو اونیو کې د حکم په اړه د پرمختګ راپورونه وړاندې کړي تر هغه چې د کورنۍ غړي متحده ایالاتو ته راشي.
دا قضیه وروسته له هغه ثبت شوه چې په ورجینیا کې میشتو افغان کورنیو شکایت درج کړ او ویې ویل چې دوی د سفر محدودیتونو له لګولو دمخه د خپلو خپلوانو سره د بیا یوځای کیدو لپاره غوښتنلیکونه ثبت کړي وو.
#امریکا #افغان کډوال #فدرالي محکمه #د کورنۍ بیا یوځای کیدل #سفیر تلویزیون
