اسحاق ډار، د پاکستان مرستیال صدراعظم او بهرنیو چارو وزیر، د آسیان په ۳۳مه سیمه ییزه غونډه کې وویل چې د وسله والو ډلو د افغان خاورې کارولو مخه نیول به د سوداګرۍ، سیمه ییزې اړیکې او اقتصادي پراختیا لپاره لاره هواره کړي.
هغه ادعا وکړه چې د تحریک طالبان پاکستان او بلوچ لبریشن آرمی د افغانستان له خاورې څخه د پاکستان پر وړاندې فعالیت کوي او له اسلامي امارت څخه یې وغوښتل چې د ګاونډیو هېوادونو پر وړاندې د افغان خاورې د کارولو مخه ونیسي.
دار زیاته کړه چې که د ترهګرۍ سره د مبارزې په برخه کې د اسلامي امارت ژمنې عملي شي، نو په جنوبي اسیا، مرکزي اسیا او له هغې هاخوا به د اقتصادي همکارۍ لپاره پراخ فرصتونه برابر شي.
د افغانستان اسلامي امارت تل دا تورونه رد کړي او ټینګار یې کړی چې اجازه به ورنکړي چې د افغانستان خاوره د هیڅ هیواد د امنیت پر وړاندې وکارول شي.
#افغانستان #پاکستان #آسیان #سیمه ییزې اړیکې #سوداګري #امنیت
