د امریکا پوځ اعلان وکړ چې په ختیځ ارام سمندر کې په یوه کښتۍ باندې په خپل وروستي برید کې دوه کسان وژل شوي او یوازې یو ژوندی پاتې شوی دی.
د امریکا جنوبي قوماندې یوه ویډیو خپره کړې چې ادعا کوي کښتۍ د مخدره توکو د قاچاق په یوه پیژندل شوې لاره سفر کاوه او د مخدره توکو د قاچاق په عملیاتو کې ښکیل و.
د راپورونو له مخې، د تیر سپتمبر راهیسې په کارابین او ارام سمندر کې د مخدره توکو د قاچاق په شکمنو کښتیو باندې د امریکا د بریدونو له امله د مړو شمیر له ۱۹۰ څخه ډیر ته رسیدلی دی.
دا عملیات د ډونالډ ټرمپ ادارې د هغه څه په وړاندې د کمپاین یوه برخه بلل شوې چې دا یې “د مخدره توکو ترهګري” بولي.
په هرصورت، د بشري حقونو ډلو او د نړیوالو قانون ځینو کارپوهانو دا بریدونه “غیر قضايي اعدامونه” بللي او ویلي یې دي چې واشنګټن تر اوسه پورې روښانه شواهد نه دي وړاندې کړي چې ډیری په نښه شوي کښتۍ د مخدره توکو قاچاق سره تړاو لري.
د لاندې لینک څخه د خبرونو پورې اړوند ویډیو وګورئ
https://t.me/SafirTelevision1/31910
