په یوه زړه بوږنوونکې پېښه کې، د هند د عمرې زیارت کوونکو یوه بس چې پرون د مفریحات په سیمه (له مدینې څخه ۱۶۰ کیلومتره) کې د تیلو له ټانکر سره ټکر وکړ، چې له امله یې ۴۵ کسان ووژل شول او یوازې یو کس ژوندی پاتې شو.
د هندوستان ټایمز په ګډون د هندي رسنیو د راپورونو له مخې، دا پېښه د هند په وخت شاوخوا ۱:۳۰ بجې رامنځته شوه.
ډیری قربانیان د تلنګانه ایالت (حیدرآباد) څخه وو او ښځې او ماشومان هم پکې شامل وو.
د حیدراباد د پولیسو کمشنر اعلان وکړ: “د ۵۴ کسانو له ډلې څخه چې د نومبر په ۹مه له حیدراباد څخه جدې ته الوتنه کړې وه، ۴۵ کسان په پېښه کې مړه شول او یوازې یو کس چې ټپي شوی و، په روغتون کې بستر دی.”
د مړو جسدونه سیمه ییزو روغتونونو ته لیږدول شوي دي.
په ریاض کې د هند سفارت او په جده کې د هند قونسلګرۍ د سعودي چارواکو سره همغږي کوي ترڅو جسدونه وپیژني او هند ته یې بیرته واستوي.
سعودي چارواکو تر اوسه د پیښې د اصلي لامل رسمي توضیحات نه دي خپاره کړي او تحقیقات روان دي.
