خبري سرچینو په وینا، د جمعې په سهار (۲۴ زمرۍ ۱۴۰۴) د روسیې د کرسک په ژیلزنودوروزني ولسوالۍ کې د اوکراین ډرون الوتکو په یوه استوګنیزه ودانۍ برید وکړ.
د کرسک سیمې د والي الکساندر خنشتاین د بیان له مخې، په دې برید کې تر اوسه پورې لږ تر لږه یو کس وژل شوی او شپږ نور ټپیان شوي دي.
د یو ټپي حالت نازک دی او د برید له امله رامنځته شوې اور د ودانۍ پورتنۍ څلور پوړونه نیولي دي.
ځایي چارواکو اعلان کړی چې د ژغورنې ټیمونه په چټکۍ سره د ټپیانو سره د مرستې لپاره سیمې ته لیږل شوي دي.
د ودانۍ د نورو اوسیدونکو د زیان د کچې یا حالت په اړه نور جزئیات نه دي خپاره شوي.
دا برید په داسې حال کې کیږي چې د کرسک سیمه په وروستیو اونیو کې د اوکراین د ډرون او توغندیو ګڼ شمیر بریدونه لیدلي دي.
