د ترانسپورت او هوايي چلند وزارت د هوا پېژندنې ادارې د نن (چهارشنبه، د سلواغه لومړۍ) په اړه یوه مطبوعاتي اعلامیه خپره کړې چې د سالنګ په ګډون په ۲۶ ولایتونو (کندهار، زابل، ارزګان، غور، دایکندي، بامیان، غزني، پکتیکا، خوست، پکتیا، لوګر، میدان وردګ، کابل، ننګرهار، لغمان، کنړ، نورستان، پنجشیر، کاپیسا، پروان، بدخشان، تخار، بغلان، سمنګان، بلخ او سرپل) کې د واورې او باران د احتمال خبرداری ورکوي.
د خبر پاڼې له مخې، په مختلفو ځایونو کې د باران اندازه د ۱۵ او ۳۵ ملی مترو ترمنځ او د واورې اندازه د ۱۰ او ۳۵ سانتي مترو ترمنځ تمه کیږي.
