په کابل کې د څه د پاسه لس میلیونه افغانیو په ارزښت د یوه ښوونځي د نوې ودانۍ د جوړولو چارې پیل شوې

د پوهنې وزارت وايي، د کابل ولایت د موسهي ولسوالۍ په “وچکاریز” کلي کې د ۹۶۴۹ زره افغانیو په ارزښت د یوه نوي ښوونځي د جوړېدو چارې پیل شوې.

د پوهنې وزارت د معلوماتو له مخې، د دغه ښوونځي لپاره د اړتیا وړ یو جریبه او یو چاریک ځمکه هم د موسهي ولسوالۍ د یوې کورنۍ له خوا چې له پوهنې سره مینه لري، مرسته وشوه.

د پوهنې وزارت سرپرست زیاته کړه، چې دغه ښوونځی به شپږ درسي ټولګي، یوه دفتري خونه، ۲۰۰ متره استنادي دېوال او نورې اړتیاوې ولري.