د ترکیې معارف بنسټ غواړي په افغانستان کې د خپلو زدهکوونکو شمېر له شپږو زرو څخه زیاتو څخه اتو زرو ته لوړ کړي او په خوست او تخار ولایتونو کې هم نوي ښوونځي جوړ کړي.
په همدې وخت کې، د میدان وردګ ولایت د افغان ـ ترک ښوونځیو د زدهکوونکو د علمي او ساینسي پروژو نندارتون پرانیستل شوی دی. په دغه نندارتون کې ۲۵ عملي پروژې نندارې ته وړاندې شوې دي، چې پکې د اوبو سپما سیستمونه، بېپیلوټه الوتکې، په مصنوعي ځیرکتیا سمبال روباټونه، د ګازو د لیکېدو د معلومولو او د اورلګېدنې د مخنیوي وسایل شامل دي.
د ترکیې معارف بنسټ په ۲۰۱۸ کال کې په افغانستان کې خپل فعالیت پیل کړی او اوس د هېواد په اوو ولایتونو کې ښوونځي لري او له شپږو زرو څخه زیاتو افغان زدهکوونکو ته ښوونیز خدمات وړاندې کوي.
