مولوی ذبیح‌الله مجاهد سخن‌گوی امارت اسلامی گفته است که به اساس حکم رهبر امارت اسلامی تعیینات جدید در کابینه حکومت سرپرست صورت گرفته است.
بر اساس این حکم، نورجلال معین اداری پیشین وزارت داخله به حیث سرپرست وزارت صحت عامه، رحمت‌الله نجیب معاون اداری پیشین ریاست عمومی استخبارات به حیث معین اداری وزارت داخله، عبدالاحد فضلی والی پیشین سمنگان به حیث والی فاریاب، محمدشعیب رسالت والی پیشین فاریاب به حیث والی سمنگان محمدصادق انقلابی ولسوال پیشین گرشک هلمند، به حیث معاون ولایت قندهار و حیات‌الله مبارک معاون پیشین ولایت قندهار به حیث ولسوال گرشک هلمند تعیین شدند.
