د امریکا ولسمشر، ډونالډ ټرمپ، ویلي چې له کیم جونګ اون، د شمالي کوریا له مشر، سره د هغه ښې اړیکې تر یوه بریده د دې هېواد د اټومي وړتیا له امله دي.
ټرمپ د اوهایو ایالت په یوه انتخاباتي غونډه کې وویل: «زه له کیم جونګ اون سره ډېرې ښې اړیکې لرم» او زیاته یې کړه چې کله یو هېواد «۱۱۲ اټومي توغندي» ولري، نو له هغه هېواد له مشر سره د ښو اړیکو ساتل مهم دي.
خو ټرمپ څرګنده نه کړه چې د ۱۱۲ شمېرې څخه یې په دقیقه توګه څه هدف و او دغه شمېره د شمالي کوریا د اټومي زېرمتون په اړه د هغه له پخوانیو شمېرو سره توپیر لري؛ بېلابېلو سرچینو هم د دغه هېواد د اټومي سرګلولو شمېر په بېلابېلو ډولونو اټکل کړی دی.
ټرمپ په دوام کې شمالي کوریا له ایران سره پرتله کړه او ویې ویل: «خو توپیر دا دی؛ ایران به هېڅکله اټومي توغندی ونه لري.» نوموړي د ایران په اړه هم وویل چې واشنګټن باید د دغه هېواد پر وړاندې د اسانه یا ستونزمنې لارې ترمنځ پرېکړه وکړي.
د خبر اړوند ویډیو له لاندې لینک څخه وګورئ.
