د بدخشان ولایت د ارګو ولسوالۍ په برلاس کلي کې په یوه ترافیکي پېښه کې څلور کسان مړه او ۱۱ نور ټپیان شول.
د بدخشان د امنیه قوماندانۍ ویاند احسان الله کامګار وویل چې دا پېښه پرون ماسپښین (پنجشنبه، د غوایي ۱۰مه، ۱۴۰۵) د فیض آباد-کشم سړک کې د یوې بار وړونکې لارۍ او لینډ کروزر ترمنځ د ټکر له امله رامنځته شوه.
د هغه په وینا، په دې پېښه کې څلورو کسانو خپل ژوند له لاسه ورکړ او د ښځو او ماشومانو په ګډون ۱۱ نور ټپیان شول.
