سازمان بین‌المللی مهاجرت (آیاوام) نسبت به بازداشت “مهاجران قانونی افغان، از جمله زنان و کودکان” در اسلام‌آباد ابراز نگرانی کرده است.
این سازمان از پاکستان خواسته است که مهاجران افغان نباید بدون استفاده از میکانیزم‌های حقوقی اخراج شوند.
اوند عزیز آغا مسوول رسانه‌ای سازمان بین‌المللی مهاجرت در افغانستان گفت: «مهاجران افغان در پاکستان نباید بدون طی مراحل قانونی اخراج شوند.
مطابق با تعهدات بین‌المللی حقوق بشری پاکستان، باید برای شناسایی افرادی که نیاز به حمایت بین‌المللی دارند، میکانیزم‌های تحقیقاتی اجرا شود.»
این سازمان همچنین از جامعه جهانی خواسته است که برای بازگشت امن مهاجران افغان، از جمله در پاکستان و دیگر کشورهای میزبان، از آن‌ها حمایت کند.
