وزارت صنعت و تجارت می‌گوید، نشست دوجانبه هیأت امارت اسلامی افغانستان به سرپرستی نورالدین عزیزی، سرپرست این وزارت و هیأت ترکمنستانی به سرپرستی چاکی اف، معاون رییس جمهور این کشور در کابل برگزار شد.
به گفته این وزارت، در این نشست در پیوند به افزایش صادرات سنگ‌های معدنی افغانستان، افزایش دادوستد تجارتی میان دو کشور، برگزاری نشست سه‌جانبه میان افغانستان، ترکمنستان و قزاقستان، ایجاد مرکز بزرگ لوژستیکی مشترک در تورغندی، انکشاف خط‌آهن افغانستان، ایجاد سهولت در انتقال نفت و گاز از ترکمنستان به افغانستان و دیگر موضوعات مهم گفت‌وگو شده است.
